Daily Insaf News Urdu - بورڈ میں تبدیلی؛ چہیتے ملازمین کے پہلے ہی وارے نیارے ہوگئے

بورڈ میں تبدیلی؛ چہیتے ملازمین کے پہلے ہی وارے نیارے ہوگئے

Last Update : Friday 3 August 2018 - 6:10 AM

بورڈ میں تبدیلی؛ چہیتے ملازمین کے پہلے ہی وارے نیارے ہوگئے

منظور نظر افراد ترقیوں،بونس اور 30سے 40فیصد تک اضافے کے بھی حقدار قرار پائے۔ فوٹو:فائل

لاہور: بورڈ میں تبدیلی سے پہلے چہیتے ملازمین کے وارے نیارے ہوگئے، بیشتر تنخواہوں میں 10اور 15فیصد اضافہ پا سکے.

انتخابات میں پاکستان تحریک انصاف کی کامیابی کیساتھ جہاں ایک عرصے سے مروجہ نظام میں انقلابی تبدیلیوں کی لہر آتی دکھاتی رہی ہے، وہاں ملکی اسپورٹس فیڈریشن میں بھی اکھاڑ پچھاڑ اور سیاسی تقرریاں پانے والوں کو فارغ کیے جانے کا امکان روشن ہوگیا، پی سی بی میں بھی تبدیلیاں ہوتی دکھائی دے رہی ہیں، اس منظر نامے میں فیورٹ ملازمین کو نوازنا شروع کر دیا گیا ہے۔

ذرائع کے مطابق عام اسٹاف کی تنخواہوں میں 10 فیصد اضافے کا اعلان کیا گیا ہے،40ہزار سے کم تنخواہ والے چند ملازمین کی تنخواہ 15فیصد بھی بڑھی،دوسری طرف کئی فیورٹ افراد ترقی پانے میں کامیاب ہوئے۔ ان کو بونس دینے میں بھی تاخیر نہیں کی گئی،10سے15فیصد والا فارمولا نظر انداز کرتے ہوئے کئی کی تنخواہوں میں 30سے 40فیصد تک اضافہ بھی ہوا۔

اس جانبدارانہ سلوک پر متاثرہ ملازمین میں بے چینی کی لہر پائی جاتی ہے، ان کا کہنا ہے کہ ترقیاں اور بونس دیتے ہوئے خدمات کے بجائے جی حضوری کی خاصیت کو پیش نظر رکھتے ہوئے فیصلے کیے گئے، موجودہ صورتحال میں سوائے اس ناانصافی کو برداشت کرنے کے ہم کچھ نہیں کرسکتے۔

Short Link
Leave a Reply
0 comments
*Name
*Email
Required fields*

Your email address will not be published.

Comments Rules : Dont Use Bad Words

Can be ban if used bad words.

Close
Please support the site